ફિલ્મ દૃશ્યમની જેમ પતિની હત્યા કરીને તેની લાશ ફેક્ટરીની જમીનની નીચે દાટી દીધી

ફિલ્મ ‘દૃશ્યમ’ની તર્જ પર થયેલા હત્યા કેસમાં 12 ફૂટ ઊંડા ખાડામાંથી મૃતકના અવશેષ મળ્યા, પોલીસે આરોપીઓની પરેડ કરાવી

જામનગર નજીક દરેડ ઇન્ડસ્ટ્રીયલ વિસ્તારમાં આવેલા શિવમ પાર્કમાં પ્રેમી અને તેના સાથી સાથે મળીને પતિની હત્યા કરી ફેક્ટરીની જમીનમાં દાટી દીધા બાદ તે વિદેશમાં હોવાની અફવા ફેલાવનાર પત્ની પૃથ્વી ઉર્ફે ભૂમિ માવડિયા, પ્રેમી નિલેશ કછટિયા અને મદદગાર બલવીર વર્માને પોલીસે મીડિયા સમક્ષ રજૂ કર્યા.

છેલ્લા 48 કલાકથી પોલીસ મૃતક જિગ્નેશના હાડકાં અને અન્ય અવશેષોની શોધમાં ફેક્ટરીમાં ખોદકામ કરી રહી હતી. 12 ફૂટ ઊંડો ખાડો ખોદ્યા બાદ મૃતકના અવશેષો મળી આવ્યા હતા. પોલીસે અવશેષો અને હાડકાંને ફોરેન્સિક તપાસ માટે મોકલી આપ્યા છે.