ફ્લેટમાંથી મળ્યા ચાર મૃતદેહ, આત્મહત્યા કે હત્યા તે અંગે પોલીસે તપાસ હાથ ઘરી

સુરતના જહાંગીરપુરા વિસ્તારમાં રાજહંસ રેસિડેન્સીના ફ્લેટ નંબર 504માં બંધ રૂમમાંથી 4 લોકોના મૃતદેહ મળી આવ્યા છે. આ કેસમાં પોલીસ તપાસમાં જાણવા મળ્યું હતું કે મૃત્યુ પહેલા તેણે ઉલ્ટી કરી હતી.

મૃતકોમાં શાંતા વાધેલ, જશુ વાધેલ, ગૌરી મેવાડા અને હીરા મેવાડાનો સમાવેશ થાય છે. આ ઘર જશુ વાધેલનું છે. ત્રણેય મહિલાઓ સગી બહેનો છે. હીરા નામની વ્યક્તિ ગૌરી મેવાડાનો પતિ છે. જણાવવામાં આવી રહ્યું છે કે મોડી રાત્રે જમવા માટે 10 લોકો ભેગા થયા હતા.  જમ્યા પછી બાકીના લોકો પોતપોતાના ઘરે ગયા.

પોલીસને હજુ સુધી અહીંથી આત્મહત્યાના કોઈ પુરાવા મળ્યા નથી. મૃતકોના શરીર પર કોઈ ઈજાના નિશાન નથી. જો કે 9 લોકોએ એકસાથે જમ્યા હતા, પરંતુ એક જ ફ્લેટમાં સૂતા ચાર વૃદ્ધોના મોત પાછળ કોઈ અન્ય કારણ હોઈ શકે છે. એવી આશંકા છે કે બાથરૂમમાં ગીઝર ચાલુ હતું અને ગેસ લીકેજને કારણે મોત થયું હશે.  પોલીસનું માનવું છે કે પોસ્ટમોરટમ રિપોર્ટ આવ્યા બાદ જ મોતનું અસલ કારણ જાણી શકાશે.